İranda rejimin süqutu qaçılmaz oldu? - Trampın mövqeyi ortaya çıxdı - Baku TV

15 yanvar 2026 746 baxış

ABŞ Prezidenti Donald Trampın İranla bağlı son açıqlamaları dünya gündəminə bomba kimi düşüb. Baku TV-nin məlumatına görə, Tramp "Reuters" agentliyinə müsahibəsində İranda rejimin süqutunun mümkünlüyündən danışıb, lakin gələcək rəhbərliklə bağlı ciddi şübhələrini dilə gətirib. O, xüsusilə şahın oğlu Rza Pəhləvinin xalq tərəfindən qəbul edilib-edilməyəcəyi məsələsinə toxunub.

Xəbərdə qeyd olunur ki, Tramp hələlik heç bir konkret siyasi fiquru dəstəkləmir. O, Rza Pəhləvini "yaxşı insan" adlandırsa da, onun liderliyinin ölkə daxilində dəstək qazanacağına əmin olmadığını bildirib. Trampın fikrincə, İran rejiminin dəyişməsi ölkəni "maraqlı və mürəkkəb" bir dövrə sala bilər və bu prosesin nəticələrini əvvəlcədən proqnozlaşdırmaq çətindir. Bu açıqlamalar fonunda İranda etirazlar artır, bəzi Avropa ölkələri, o cümlədən Portuqaliya artıq Tehrandakı səfirliklərini bağlamağa başlayıb.

#ABŞ