İranın göndərdiyi planı nəzərdən keçirəcəyəm, amma... | Donald Tramp - Baku TV

İran ABŞ-yə təqdim etdiyi yeni sənəddə 30 gün ərzində hərbi əməliyyatların dayandırılması, blokadanın ləğv edilməsi və Hörmüz boğazının açılması ilə bağlı razılıq əldə etməyi təklif edib.

“Axios”un yaydığı xəbərə görə, Tehran nüvə proqramı ilə bağlı danışıqlar üçün də bir ay vaxt istəyib.

Portala məlumat verən mənbələrin sözlərinə görə, Vaşinqton İran tərəfindən təqdim olunan 14 maddəlik çərçivə razılaşması təklifini alıb.

“İranın bizə göndərdiyi planı tezliklə nəzərdən keçirəcəyəm”.

ABŞ Prezidenti Donald Tramp “Truth” sosial hesabında belə yazıb.

“Amma təsəvvür edə bilmirəm ki, qəbul edilən olsun, çünki onlar son 47 ildə bəşəriyyətə və dünyaya etdiklərinə görə hələ kifayət qədər böyük qiymət ödəməyiblər”, – deyə Ağ Ev rəhbəri əlavə edib.

Qeyd edək ki, yeni sənəddə bir ay müddətində razılaşma əldə olunması planlaşdırılır və həmin razılaşma Hörmüz boğazının açılmasını, ABŞ tərəfindən dəniz blokadasının dayandırılmasını, həmçinin İran və Livanda müharibənin tam başa çatmasını nəzərdə tutur.