İranın hücumlarından sonra İsraildə vəziyyət | Yeni il qeyd olunur, amma biz...

“İranın İsrailə atdığı raketlərin davamlı və çox olduğunu nəzərə alaraq təhlükəsizlik orqanları xalqa çağırış edib. İnsanlardan evlərini tərk etməmək və bunkerlərə enmələri tələb olundu. İran raketləri elə atırdı ki, onların hansı şəhərə düşəcəyini ehtimal belə etmək olmurdu”.

Bu barədə Hayfa sakini Leya Rimon İranın aviahücumlarından sonra İsraildəki son vəziyyət haqqında məlumat verərkən bildirib.

“Biz Hayfa şəhərindəyik. İki gün həyəcan siqnallarının səsi, demək olar ki, kəsilmirdi. Təl-Əviv istiqamətində atılan raketlər ilk baxışdan enən ulduzlara bənzəsə də, əfsuslar olsun ki, düşdükləri yeri dağıdıblar. Məktəblərdə dərslər dayandırılıb və yaxın 1 həftə ərzində onlayn şəkildə keçiriləcək”, – deyə o əlavə edib.