İranın hücumundan sonra İsraildən qaçdığı deyilən Qalkin danışdı

İranın İsrailə hücumunun ardından Rusiyanın Xalq artisti Alla Puqaçova və həyat yoldaşı, şoumen Maksim Qalkinin övladları ilə birgə ölkəni tərk etdiyi iddia olunub.

Şoumen şayiələrin fonunda sosial media hesabında paylaşım edərək bunu şayiə adlandırıb. O, hazırda İsraildə olduğunu vurğulayıb.

Onun sözlərinə görə, Rusiyada “Telegram” kanallarından biri Maksimin İsrailə uğurlar arzuladığını, lakin özünün orada olmadığını yazıb.

“Sakit ol, mən İsraildəyəm və İsrailin hava hücumundan müdafiəsinə uğurlar arzulayıram. İsraildə olmasaydım belə, yenə də bunu istəyərdim”, – deyə Maksim bildirib.