Dünya
Pleyeri seçin:
İranlılar İsrail bayrağını belə təhqir etdi | SEPAH raketlərlə gözdağı verdi
İran Silahlı Qüvvələrinin Baş Qərargah rəisi general Məhəmməd Baqeri və İran İslam İnqilabı Aerokosmik Qüvvələrinin komandanı Əmir Əli Hacızadənin “yeraltı hərbi şəhərcik”dən videosu yayılıb.
Görüntülərdə Baqeri və Hacızadənin İsrail bayrağının üstündən keçərək uzaqmənzilli raketlərin yerləşdiyi depoya getdiyi əks olunub.
Videoda yeraltı bunkerdəki hərbi arsenal, raketlər, silah-sursat nümayiş etdirilib. Hərbi avadanlıqların daşınması üçün nəzərdə tutulan ağırtonnajlı avtomobillərin üzərində isə İran bayrağı və SEPAH-ın loqosunu əks etdirən bayraqlar yer alıb.
İran Silahlı Qüvvələrinin Baş Qərargah rəisi general Məhəmməd Baqeri şüar səsləndirərək bildirib ki, Silahlı Qüvvələr yüksəliş, tərəqqi və bacarıq yolunu əzmlə davam etdirir.
“Əgər bu gün başlasaq, hər həftə yeni raket şəhəri açacağıq, layihə növbəti iki il ərzində davam edəcək”, – deyə İran İslam İnqilabı Aerokosmik Qüvvələrinin komandanı Əmir Əli Hacızadə bildirib.
Kopyalandı
Seçilmişlər
