İraqdakı dörd qruplaşma İranla əlaqədə ittiham olunur

17 sentyabr 2025 181 baxış

Birləşmiş Ştatlar İraqın İranla əlaqəli olduğu iddia edilən dörd hərbi qruplaşmasını xarici terror təşkilatları siyahısına daxil edib.

Bu barədə məlumat Departamentin saytında dərc olunub.

Bu qruplaşmalar "Hərəkət ən-Nucəba", "Kətaib Səyid əl-Şuhəda", "Hərəkət Ənsar Allah əl-Aufiya" və "Kətaib əl-İmam Əli"dir. Terror qruplaşmaları siyahısında artıq İranın dəstəklədiyi İraq "Kətaib Hizbullah" və "Əsaib Əhl əl-Haq" qruplaşmaları da var.

Dövlət Departamentindən qeyd edilib ki, təşkilatların siyahıya daxil edilməsi onların ABŞ-dəki aktivlərinin bloklanmasına, ABŞ vətəndaşlarının onlarla iş aparmasının qadağan edilməsinə gətirib çıxarır. Onlarla əməkdaşlıq edən tərəflər ikinci dərəcəli sanksiyalara məruz qalma riski ilə üzləşirlər.

Vaşinqtondan verilən məlumata görə, bu tədbirlər qruplaşmaların maliyyə və resurslara çıxışını məhdudlaşdırmağa yönəlib. Onlar bundan regionda ABŞ heyətinə və obyektlərinə hücumlar üçün istifadə edə bilərdilər.

#ABŞ