İrəvanda kriminal aləmi silkələyən silahlı atışma

İyunun 11-dən 12-nə keçən gecə Ermənistanın paytaxtı İrəvanda atışma olub. Bu barədə ölkə mətbuatında məlumat verilib.

Bildirilib ki, hadisə zamanı Ajapnyak rayonunda “Çeremuşkinski Faz” ləqəbi ilə tanınan erməni kriminal avtoritet Sergey Qriqoryan avtomobilində güllələnib.

Xəbərdə nəqliyyat vasitəsinin ön şüşəsində, o cümlədən yan tərəfdə çoxsaylı güllə izləri olduğu vurğulanıb. Sergey Qriqoryan xəstəxanaya çatdırılsa da, onun həyatını xilas etmək mümkün olmayıb.

Ermənistan Daxili İşlər Nazirliyi hadisə ilə bağlı araşdırmalara başlayıb.