Pleyeri seçin:
İŞİD-ə qarşı genişmiqyaslı əməliyyat keçirildi | 100-ə yaxın şəxs saxlanıldı
Türkiyənin 17 vilayətində İŞİD terror təşkilatına qarşı keçirilən əməliyyatlarda 89 şübhəli saxlanılıb.
Bu barədə Türkiyənin daxili işlər naziri Ali Yerlikaya açıqlama verib.
A.Yerlikaya sosial media hesabında qeyd edib ki, Antalya, Batman, Denizli, Elazığ, Eskişehir, Qaziantep, Hatay, İstanbul, Kahramanmaraş, Kırıkkale, Kilis, Malatya, Osmaniyə, Sakarya, Şanlıurfa, Van və Yozqatda İŞİD terror təşkilatı tərkibində fəal olduqları müəyyən edilən şübhəlilərə qarşı əməliyyat keçirilib.
A.Yerlikaya prosesin koordinasiyasını həyata keçirənləri təbrik edib.
"Terrora qarşı birlik və həmrəylik bizim ən böyük gücümüzdür. Xalqımızın əmin-amanlığını və təhlükəsizliyini təmin etmək üçün əməliyyatlarımızı fasiləsiz davam etdiririk", ‒ deyə Türkiyənin daxili işlər naziri bildirib.
Kopyalandı
