Pleyeri seçin:
İŞİD-lə mübarizə üçün əməkdaşlıq müzakirə olunub
Türkiyə nümayəndə heyəti Yaxın Şərqdəki vəziyyətin müzakirəsi üçün Suriyanın paytaxtı Dəməşqə səfər edib.
Ankaranı ölkənin xarici işlər naziri Hakan Fidan, müdafiə naziri Yaşar Gülər, Milli Kəşfiyyat Təşkilatının rəhbəri İbrahim Kalın təmsil edib.
Türk heyəti Suriya Prezidenti Əhməd əl-Şaraa ilə görüşüb. Danışıqların əsas diqqət mərkəzində Suriyanın təhlükəsizlik məsələləri olub.
Görüş zamanı Türkiyə-Suriya münasibətləri ilə yanaşı, Dəməşqin İŞİD terror təşkilatı ilə mübarizəsi də müzakirə olunub. Təşkilatın regionda yenidən dirçəlişinin qarşısını almaq üçün tərəflər birgə əməkdaşlığı da nəzərdən keçiriblər.
Məlumat üçün bildirək ki, Suriyanın keçmiş lideri Bəşər Əsəd rejiminin devrilməsindən sonra Türkiyə Dəməşqin yenidən dirçəlməsi üçün səylər göstərir. Türkiyənin xarici işlər naziri Hakan Fidan Suriyada yeni hökumətin formalaşması fonunda 2024-cü il dekabrın 22-də ilk dəfə Dəməşqə səfər edib.
Kopyalandı
#Türkiyə teqi istifadə olunub
- Tramp Ərdoğanı seçdi: Türkiyə Avrasiyanın əsas aktoruna çevrilir? - AKTUAL GÜNDƏM
- Ərdoğan polşalı həmkarı ilə nələri müzakirə edib?
- Hərbi təyinatlı mərminin partlaması faciə ilə nəticələndi
- "Caucasus Eagle 2026" hərbi təlimi nəyə hesablanıb? - 3 ölkənin verdiyi mesaj - HƏRBİ XRONİKA
- Türkiyədə yenidən Rusiya-Ukrayna danışıqları baş tutacaq?
Seçilmişlər
