İsrail bu ərazilərə hücumları artırdı | Evlər yerləyeksan edilib

Avqustun 20-si səhər saatlarında Qəzzanın cənubunda Xan Yunisdə bir neçə partlayış baş verib.

Minlərlə qəzzalı İsrailin qurudan gözlənilən hücumundan ehtiyat edərək Qəzza şəhərindən cənuba və qərbə doğru hərəkət edir.

İsrail ordusunun rəsmisi bildirib ki, daha 50 min ehtiyat əsgər zolağa çağırılacaq. Hərbi rəsmi qeyd edib ki, anklavın ən böyük şəhər mərkəzində fəaliyyət göstərəcək qüvvələrin əksəriyyəti həqiqi hərbi qulluqçular olacaq.

Qəzza zolağının səhiyyə rəsmilərinin bildirdiyinə görə, avqustun 20-si İsrailin tank atəşi və hava hücumları nəticəsində ən azı 20 fələstinli həlak olub.

“Əl-Cəzirə” yazır ki, Qəzzanın başqa yerlərində, xüsusən də İsrailin ağır artilleriyasının şəhərin şərq hissələrində evlərin yerləyeksan edildiyi Qəzza şəhərində əhalinin sıx məskunlaşdığı ərazilərə hücumları artıb. İsrail tərəfi hələ də qüvvələrini səfərbər edir və 450-dən çox evin dağıdıldığı Sabra məhəlləsinə çatmaq üçün Qəzza şəhərindəki əməliyyatlarını təhlükəli şəkildə genişləndirməyə çalışır.