İsrail hava məkanında son vəziyyət | Hava hücumu ilə bağlı yeni detallar

İsrail hakimiyyəti İrandan gələn hücum təhlükəsi ilə bağlı ölkənin bağlanmış hava məkanını açıb

Bu barədə İsrailin Hava Limanları İdarəsi informasiya yayıb.

“Təhlükəsizlik xidmətlərinin göstərişinə əsasən, səhər saatlarından etibarən İsrail dövlətinin hava məkanı açılıb, Ben Qurion hava limanı fəaliyyətini bərpa edib”, – deyə məlumatda bildirilir.

“The New York Times”ın xəbərinə görə, İran Silahlı Qüvvələri İsrailə 185 pilotsuz uçuş aparatı, 36 qanadlı raket və 110 “yer-yer” tipli raket atıb. Atışların əksəriyyəti İrandan, az hissəsi isə İraq və Yəməndən həyata keçirilib.

İsrail Müdafiə Qüvvələrinin sözçüsü Daniel Haqari xəbəri təsdiqləyib.

Bildirib ki, İran aprelin 13-də İsrail ərazisinə 200-dən çox raket və pilotsuz uçuş aparatı atıb. Dövlət rəsmisinin sözlərinə görə, İranın İsraili hədəfləyərək atdığı bütün ballistik raket və pualar zərərsizləşdirilib. Departament sözçüsü qeyd edib ki, hücum nəticəsində bir hərbi baza cüzi ziyan görüb, bir nəfər yaralanıb.