İsrail kosmosa peyk buraxdı | Milyardlarla yatırımın əsas məqsədi

İsrail kosmosa “Ofek 19” peykini buraxıb. Peyk hərbi kəşfiyyat məqsədilə istifadə olunacaq.

“Ofek 19” İsrailin mərkəzindəki Palmahim aviabazasından buraxılıb.

Peyk buraxılışı İsrailin Müdafiə Nazirliyi və “Israel Aerospace Industries” tərəfindən reallaşdırılıb. Bu peykin kosmosa buraxılması İsrailin müdafiə qabiliyyətini artırmaq istiqamətində mühüm addım hesab olunur.

Yaxın onilliklərdə İsrail bu sahəyə milyardlarla dollar pul ayıracaq. Məqsəd Yaxın Şərqdə baş verənləri diqqətdə saxlamaqdır.

Qeyd edək ki, son hərbi kəşfiyyat peyki 2023-cü ildə orbitə göndərilib və “Ofek 13” adlanırdı. İsrailin peyk proqramı isə 1988-ci ildən həyata keçirilir.

“The Jerusalem Post”da yayılan məlumata görə, peykin buraxılması barədə əvvəlcədən xəbərdarlıq edilmədiyinə görə ətraf ərazilərdə yaşayan insanlar qorxuya düşüblər.