İsrail-Livan münaqişəsi pik həddə | Ölən və itkin düşənlər var

İsrail Hərbi Hava Qüvvələrinin Livanın paytaxtı Beyrutun cənub ətrafına endirdiyi aviazərbələr nəticəsində ölənlərin sayı 31-ə yüksəlib.

Bu barədə AP xəbər agentliyi Livanın Səhiyyə Nazirliyinə istinadən məlumat verib.

Bildirilib ki, təxminən 20 nəfər itkin düşüb. Yerli mülki müdafiə xidmətinin məlumatına görə, Əl Qaim məhəlləsində dağılmış iki evin qalıqları olan yerdə axtarış-xilasetmə əməliyyatı davam edir.

Xatırladaq ki, daha əvvəl “Hizbullah” hərəkatının silahlı qanadı İsrailin hava hücumu zamanı 2 hərbi rəhbərinin və 13 döyüşçüsünün öldürüldüyünü təsdiqləyib.