İsrail Qəzzaya 24 saat vaxt verdi: təcili qaçın

İsrail Qəzza sakinlərinə müraciət edib. Bu barədə ölkənin müdafiə qüvvələri məlumat yayıb.

“İsrail Müdafiə Ordusu Qəzza şəhərinin bütün dinc sakinlərini öz təhlükəsizlikləri üçün cənuba getməyə çağırır. Geri dönməklə bağlı digər göstərişlər verildikdən sonra şəhərə qayıda bilərsiniz”, – deyə məlumatda qeyd olunub.

Bildirilir ki, HƏMAS terrorçuları dinc sakinlərin yaşadığı evlərin altında tunellərdə və binaların içərisində gizlənir.

BMT-nin mətbuat katibi Stefan Düjarrik isə qeyd edib ki, İsrail hərbçiləri Qəzza zolağının şimal hissəsinin 1,1 milyon sakininin 24 saat ərzində evlərini tərk etmələri barədə təşkilata xəbərdarlıq edib. Onun sözlərinə görə, təşkilat bu mesajı gecə yarısından bir az əvvəl alıb.