İsrail ÜST-ün təyyərəsini hədəf aldı? | Təşkilat rəhbərindən qalmaqallı açıqlama

Ümumdünya Səhiyyə Təşkilatının rəhbəri Tedros Adhanom Gebreyesus mediaya açıqlaması zamanı Yəmənin Səna hava limanında təyyarəsinə İsrail tərəfindən hücum olunduğunu bildirib.

“Milad bayramı həftəsində mən Yəməndə BMT-nin həbsdə olan əməkdaşlarının azad edilməsi və humanitar yardımlar məsələsinin müzakirəsi üçün qurumun missiyası ilə bir yerdə idim. Husilərlə danışıqlar müsbət yöndə keçdi. Biz ümid edirik ki, bütün bunlar öz bəhrəsini verəcək. Sənada təyyarəyə minməyi gözləyərkən hava limanı İsrail tərəfindən hücuma məruz qaldı.

Hadisə nəticəsində ölən və yaralananlar oldu. Baş verən hadisə həm də dünyadakı müharibə bölgələrində mülki əhalinin, humanitar yardım heyətinin, o cümlədən səhiyyə işçilərinin üzləşdiyi təhlükəni önə çıxardı. Bütün bunlara son qoyulmalıdır. Dünya liderləri bəşəriyyətin ehtiyac duyduğu sülhü, sağlamlığı və təhlükəsizliyi təmin etməlidir. Qəzzadan Sudana, Yəməndən Ukraynaya kimi, Haitidə daxil olmaqla hər yerdə insanların sağlamlığı və rifahı üçün sülh lazımdır”, – deyə o vurğulayıb.

Qeyd edək ki, məlumata görə, 26 dekabrda baş tutan hücum nəticəsində azı 3 nəfər ölüb, bir neçə şəxs yaralanıb. İsrailin BMT-dəki nümayəndəliyi isə sözügedən məsələ ilə bağlı şərh verməkdən imtina edib.