Kasıb ölkə, dəbdəbəli klinikalar | Estetik əməliyyatlara maraq niyə artıb?

İranda iqtisadi çətinliklərə və yoxsulluq səviyyəsinin artmasına baxmayaraq, estetik əməliyyatlara maraq rekord həddə çatıb. "Kasıb ölkə, dəbdəbəli klinikalar" təzadını araşdıran Baku TV-nin süjetində iranlıların estetik cərrahiyyəyə olan bu marağının səbəbləri təhlil olunur. İqtisadi böhranın yaşandığı bir vaxtda paytaxt Tehranın dəbdəbəli klinikalarında rinoplastika (burun əməliyyatı), liposaksiya və digər bahalı prosedurlar üçün uzun növbələr yaranıb. Mütəxəssislər bunu sosial şəbəkələrin təsiri, psixoloji amillər və fərqlənmək istəyi ilə əlaqələndirirlər. Süjetdə həmçinin aşağı qiymətlərə görə İrana axın edən xarici turistlərin ölkədə "estetik turizm" sektorunu necə canlandırdığı və bu bəzən təhlükəli olan tendensiyanın sosial nəticələri barədə maraqlı faktlar yer alıb.

Klinikalarda botoks 43-87 dollar, saç əkimi isə 260-509 dollar arası qiymətləndirilir.