Keçmiş prezident xalqa müraciət edə bilməyəcək

Qazaxıstan Prezidenti Kasım-Jomart Tokayev ölkənin xarici siyasət konsepsiyasında dəyişikliklər edib.

Sənəddə keçmiş dövlət başçısı Nursultan Nazarbayevə daxili və xarici siyasət, eləcə də dövlət təhlükəsizliyi məsələləri ilə bağlı təşəbbüslərlə millətə müraciət etmək üçün ömürlük hüquq verən bənd çıxarılıb.

Belə bir hüquq Nazarbayevə tarixi missiyasına görə ilk dövlət başçısı kimi verilib. Bundan əlavə, sənədin 7-ci fəslinin 1-ci bəndində göstərilir ki, təklif olunan təşəbbüslər müvafiq dövlət orqanları və vəzifəli şəxslər tərəfindən məcburi şəkildə nəzərdən keçirilməlidir.

Nursultan Nazarbayev 1991-ci ildən 2019-cu ilə qədər Qazaxıstan prezidenti vəzifəsində çalışıb. Vəzifədən getdikdən sonra ona ömürlük imtiyazlar verən “Millət Lideri” titulunu saxlayıb: məsələn, o bu vəzifədə və daha sonra birinci prezident vəzifəsində etddiyi hərəkətlərə görə məsuliyyət daşıya bilməzdi.

Qazaxıstan Konstitusiya Məhkəməsi 2023-cü ilin yanvar ayında baş verən kütləvi iğtişaşlardan sonra “Qazaxıstan Respublikasının Birinci Prezidenti – Elbaşı haqqında” qanunu ləğv edib. Daha sonra Nazarbayev və yaxın qohumları bir çox imtiyazlardan məhrum ediliblər.