Kiyevdə ciddi enerji böhranı: "Özümüzə isti çay belə hazırlaya bilmirik" - Baku TV
Yeniliklərdən dərhal xəbərdar olun
Ukraynanın əksər bölgələrinə, xüsusilə də ölkənin paytaxtı Kiyevə endirilən ardıcıl hava zərbələri nəticəsində ciddi kommunal böhran yaşanır.
Belə ki, hava zərbələri nəticəsində infrastrukturun əsas hissəsinin sıradan çıxması paytaxtın əksər rayonlarında elektrik enerjisinin verilişində saatlarla fasilələrə səbəb olub. Bir çox rayonda istilik təchizatı hələ də bərpa edilməyib. Eyni zamanda içməli su təchizatında ciddi problemlər yaranıb. Hətta hökumətin bir sıra üzvləri paytaxt sakinlərinə qarşıdakı aylar üçün ciddi su ehtiyatı toplamağı tövsiyə edirlər.
Təkcə Ukraynanın paytaxtı Kiyevdə altı istilik enerji sistemindən dördü sıradan çıxarılıb. İçməli su anbarlarının bəziləri dağıdılıb, bəzilərinin isə bərpası mümkün deyil. Ciddi enerji böhranı ilə üzləşən Kiyevlə yanaşı, Xarkov, Sumı, Çerniqov, Dnepropetrovsk, Xerson, Nikolayev və Odessa vilayətlərində də vəziyyət kritik həddə çatıb.
Çerkassı sakini Sergey Kroxin mövcud vəziyyətlə bağlı Baku TV-yə danışıb.
“Bizim problemimiz ondadır ki, hava zərbələri səbəbindən elektrik enerjisini 13-14 saat müddətinə kəsirlər. Buna görə də çıxış yolu tapmaq üçün qaz generatoru almağa məcbur olduq. Əlbəttə, biz atəşkəs olmasını istərdik, amma onların yox, Ukraynanın şərtləri ilə”, – deyə o bildirib.
#Rusiya-Ukrayna müharibəsi teqi istifadə olunub
- Krım körpüsü niyə məhz Putin, Tramp və Si Cinpinin görüşü ərəfəsində vuruldu? - Baku TV
- Ukraynanın mülki infrastrukturuna qarşı hücumlar davam edir - Baku TV CANLI
- Körpüyə hücum Rusiyanın nəqliyyat əlaqəsinə necə təsir edəcək? - Baku TV CANLI
- Trampdan müəmmalı sözlər | Putin Ukrayna ilə bağlı tələblərindən geri çəkilirmi? - Baku TV
- Zelenski ABŞ ilə Rusiya arasındakı razılaşma barəsində danışdı- Baku TV CANLI
