Kiyevə növbəti hava hücumu | Şəhər merindən təcili məlumat

Ukraynanın paytaxtı Kiyevə güclü raket zərbələri endirilib. Bu barədə şəhərin meri Vitali Kliçko məlumat verib.

Onun sözlərinə görə, hadisə nəticəsində 4 nəfər xəsarət alıb, Şevçenkovski rayonunda yaşayış binasında isə mənzil yanıb. Podolski rayonunda da raket qalıqları bir neçə müəssisənin ərazisinə düşüb.

Kiyev Şəhər Hərbi Administrasiyasının məlumatına görə isə hava hücumu nəticəsində Svyatoşinski rayonunda yaşayış binasının şüşələri qırılıb, Şevçenko rayonunda qəlpələr yaşayış binasına ziyan vurub.