Kolumbiya həbsxanalarında həyəcan təbili | Fövqəladə vəziyyət elan edildi

“Kolumbiya hökuməti həbsxana işçilərinə qarşı hücumların artması ilə əlaqədar ölkənin penitensiar sistemində fövqəladə vəziyyət elan edib”.

Bunu ölkənin ədliyyə və hüquq naziri Nestor Osuna mətbuat konfransında bildirib.

O, çıxışında qəsb hallarının artdığını da etiraf edib:

“Biz bütün ölkədə penitensiar sistemdə fövqəladə vəziyyət elan etmişik. Bu vəziyyət qismən də Milli Penitensiar və Penitensiar İnstitutun əməkdaşlarına qarşı təhdidlərin artması və ölkənin müxtəlif yerlərində son bir neçə gündə baş verən mühafizəçi qətlləri ilə əlaqədardır. Fövqəladə vəziyyətin tətbiqində məqsəd mühafizəçilərin həyatını qorumaq və onların sakit işləməsi üçün şəraiti təmin etmək, habelə hədə-qorxu ilə tələblərə qarşı mübarizə tədbirlərini gücləndirməkdir”.

Nazirin sözlərinə görə, tədbirlərdən biri həbsxanaların yaxınlığında mobil telefon siqnallarının bloklanması olacaq. Qeyd edək ki, Kolumbiyada həbsxana divarları xaricində ədliyyə zabitlərinə qarşı son bir ayda bir neçə dəfə hücum həyata keçirilib.