Pleyeri seçin:
Kometa Günəşə nə vaxt yaxınlaşacaq? | Maraqlı məlumatlar
ATLAS kometası yanvarın 13-də Günəşin yaxınlığından keçəcək. Kometa məhv olmasa, Yer kürəsindən onu adi gözlə də görmək olacaq.
Bu barədə RİA Novosti-yə Ka-Dar rəsədxanasının və Astroverts astro fermasının elmi direktoru Stas Korotki bildirib.
Ekspert qeyd edib ki, bu kometa 2024-cü ilin oktyabrında adi gözlə görülə bilən C/2023 ATLAS ilə eyni teleskopdan istifadə edilməklə kəşf olunub.
Bu kometanın müşahidə şəraiti ötənilki ATLAS ilə müqayisədə çox pisdir. Məsələ burasındadır ki, o, Günəşə Merkuridən 4 dəfə yaxın məsafədə keçəcək.
Korotkinin sözlərinə görə, C/2024 G3 üçün baxış şəraiti Yerin cənub yarımkürəsində daha yaxşı olacaq, lakin çox güman ki, o, şimal yarımkürəsinin sakinlərinə də görünəcək.
Mütəxəssis əlavə edib ki, yaxın günlərdə kometanın mümkün parlaqlığı və görünmə şərtləri aydınlaşdırılmalıdır.
Kopyalandı
