Kosmetik vasitələri görün necə istifadə etdi | Blogeri ölümə aparan davranışı

Hər dəfə qeyri-adi və təhlükəli videoları ilə məşhurlaşan bloger bu dəfə ölümü ilə gündəmə gəlib.

Bu barədə "Says" nəşri xəbər verir.

Belə ki, Tayvanda "Guava Beauty" ləqəbi ilə tanınan gənc xanımın ölümünə kosmetik vasitələrin səbəb ola biləcəyi ehtimal edilir. Çünki o, kameralar qarşısında dodaq boyası, ənlik və hətta pambıq disklərini yeyərək izləyicilərin marağını çəkməyə çalışıb.

İzləyənlərin əksəriyyəti onun bu davranışını təhlükəli hesab edib və şərhlərdə dəfələrlə kosmetik məhsulların yeyilməsinin ölümcül nəticələrə səbəb ola biləcəyi barədə xəbərdarlıq ediblər. Ancaq bloger buna qulaq asmayıb.

Sonradan gənc qızın profilində öldüyü barədə açıqlama yerləşdirilib, ailəsi isə onun vəfat etdiyini rəsmən təsdiqləyib.

İzləyicilər blogerin kimyəvi zəhərlənmə nəticəsində ölmüş ola biləcəyini düşünürlər.

Hadisə Tayvanda və sosial şəbəkələrdə ciddi rezonans doğurub və təhlükəli "mukbanq" trendlərinin yaratdığı riskləri bir daha gündəmə gətirib.