Kosmosda nadir hadisə | Ağ cırtdan ulduz “ölüm ayağında”

Kertin Mərkəzinin və Beynəlxalq Radio Astronomiya Tədqiqat Mərkəzinin alimləri uzunmüddətli radiokeçidlərlə bağlı mühüm astrofiziki kəşf ediblər.

Onlar dərin kosmosdan yayılan parlaq enerji impulslarından ibarət bu nadir hadisənin mümkün səbəbini müəyyən ediblər.

Tədqiqatçılar uzunmüddətli radio keçidlərinin 30-dan 60 saniyəyə qədər davam edən və hər üç saatdan bir təkrarlanan qeyri-adi dövrə malik radio dalğaları yaydığını göstəriblər. Bu isə indiyə qədər kəşf edilmiş ən uzunmüddətli radio keçidləridir. Bunun dəqiq səbəbləri isə indiyə qədər sirr olaraq qalır.

Tədqiqatçılar on illik müşahidələr tarixini əhatə edən arxivlərlə işləyiblər. Bu da belə bir hadisənin baş verməsini daha dərindən təhlil etməyə imkan verib.

Radio dalğalarının mənbəyi dəqiq müəyyənləşdirilib, onu səmanın daha az izdihamlı yerində, Yerdən təxminən 5000 işıq ili uzaqlıqdakı ulduzda tapıblar.

Məlumatlar obyektin ağ cırtdan, ölməkdə olan ulduzun nüvəsi olan ikili sistemdə aşağı kütləli M cırtdan ulduz olduğunu göstərib. Bu iki obyekt birlikdə radio emissiyasını yaradır, bu da uzunmüddətli radio keçidlərinin yaranmasına səbəb olur.

Alimlər ikili sistemin mahiyyətini və bütün təfərrüatlarını aydınlaşdırmaq üçün işləri davam etdirirlər.