Kremlə meydan oxuyanlar kimlərdir? | Rusiya-Ukrayna əsir mübadiləsi başlayır

Ukrayna və Rusiya yeni əsir mübadilələrinə hazırlaşır.

Bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov məlumat verib.

Qeyd olunub ki, Ukrayna və Rusiya yeni əsir mübadilələrinə hazırlaşır və yaxın vaxtlarda növbəti mərhələlər həyata keçiriləcək.

O əlavə edib ki, İstanbulda əldə olunmuş razılaşmaların həyata keçirilməsi davam edir və artıq şərti olaraq adlandırılan "üçüncü İstanbul" razılaşmasının icrasına da başlanılıb. Bununla yanaşı, planlı mübadilələr də davam edir.

A.Yusov qeyd edib ki, müharibə ərzində 68 əsir mübadiləsi baş tutub. Baş Kəşfiyyat İdarəsinin nümayəndəsi Çinin Rusiyaya hərbi dəstək göstərməsi iddialarına da münasibət bildirib. O vurğulayıb ki, Çin Rusiyaya belə bir dəstək vermir.

Lakin Rusiyanın öz potensialı hesabına Ukraynaya hücumları davam edir. Sentyabrın əvvəlindən etibarən Rusiya Ukraynaya qarşı 1300-dən çox zərbə PUA-sı, 900-ə yaxın idarəolunan aviasiya bombası və 50-yə qədər müxtəlif tipli raket atıb.

Bu barədə Ukrayna Prezidenti məlumat verib.

Volodimir Zelenski Qərb tərəfdaşlarına Rusiyaya qarşı sanksiyalar təzyiqini gücləndirməyə çağırıb.

Belə bir məqamda isə Rusiya Prezidentinin mətbuat katibi Dmitri Peskov açıqlayıb ki, Ukrayna Silahlı Qüvvələrini maliyyələşdirən xarici şirkətlər Rusiya üçün düşmənə çevrilib və Rusiyaya geri qayıda bilməyəcəklər.