Kritik görüşün detalları | ABŞ öz öhdəliklərinə əməl etmir?

Pakistan Ordusunun komandanı feldmarşal Asim Munir İran İslam Şurası Məclisinin sədri Məhəmməd Baqer Qalibafla görüşüb.

Pakistanın Tehran və Vaşinqton arasında vasitəçilik səylərinin davamı olaraq keçirilən görüşdə Qalibaf ABŞ-nin öhdəliklərinə əməl etməməsinə toxunaraq bildirib ki, anlaşma memorandumunda tərəflərin məsuliyyətləri aydın şəkildə müəyyənləşdirilib.

Qalibaf qeyd edib ki, ABŞ vəzifələrini yerinə yetirməməklə regionda sabitliyin təmin olunmasına mane olub və bu, həmin ölkəyə etimadsızlıq üçün daha bir səbəb yaradıb.

İslam Şurası Məclisinin sədri Tehranın təzyiqlərdən təsirləndiyi barədə iddiaları rədd edərək vurğulayıb ki, İran anlaşma memorandumunda müəyyən edilmiş şərtlərin icrasını tələb edir.

O bildirib ki, məhz ABŞ anlaşma memorandumunda nəzərdə tutulan öhdəliklərə əməl etməlidir.

Asim Munir də öz növbəsində görüş zamanı regionda sabitliyin bərpası istiqamətində səylərini davam etdirəcəyini bildirib.