Əli Şamxani Rəisinin ölümündə sui-qəsd cəhdini mümkün hesab edir

İran Ali Milli Təhlükəsizlik Şurasının keçmiş rəhbəri Əli Şamxani mərhum prezident İbrahim Rəisinin ölümündə sui-qəsd cəhdinin mümkünlüyünü düşünür.

"Sepah Pasdaran" İran xəbər agentliyi Şamxaninin sözlərinə istinadən bildirib ki, təyyarə qəzasından 12 gün sonra Rəisinin qətlinin İsraillə əlaqəsi olub-olmaması ilə bağlı sual yenidən gündəmə gəlib.

Şamxani vurğulayıb ki, müstəntiqlərin apardığı araşdırmada prezidentin ölümündə hər hansı bir xarici müdaxilə əlaməti aşkarlanmasa da, istintaqın texniki imkanlarından kənarda bir hadisənin baş verməsini istisna etmək olmaz.

Xatırladaq ki, İran Prezidenti İbrahim Rəisi və Xarici İşlər naziri Hüseyn Əmir Abdullahian 19 may 2024-cü il tarixində Azərbaycana səfərdən qayıdarkən Şərqi Azərbaycan əyalətinin şimal-qərbində helikopterin qəzaya uğraması nəticəsində həlak olublar.