Los-Ancelesdə İran hökumətinə qarşı aksiya
Dünyada ən böyük iranlı diasporunun yaşadığı Los-Anceles şəhəri İran hökumətinə qarşı genişmiqyaslı etiraz aksiyalarının mərkəzinə çevrilib. Baku.tv-nin ABŞ bürosunun məlumatına görə, 2026-cı ilin əvvəlindən İranda başlayan iqtisadi böhran və insan haqları pozuntularına etiraz olaraq "Tehrangeles" sakinləri küçələrə axışıb. Aksiyalar xüsusilə fevralın 28-də Əli Xameneinin öldürülməsi ilə nəticələnən hərbi zərbələrdən sonra pik həddə çatıb. Los-Ancelesin mərkəzi meydanlarında və Federal Bina (Federal Building) qarşısında toplaşan minlərlə nümayişçi "Diktatora ölüm!", "Azad İran!" şüarları səsləndirərək, İslam Respublikası rejiminin tamamilə süqutunu və Müctəba Xameneinin rəhbərliyinin tanınmamasını tələb ediblər. Nümayişçilər əllərində şah dövrünün "Şir və Günəş" bayraqlarını, həmçinin Donald Trampın şəkillərini daşıyaraq ABŞ-ın İrandakı hərbi müdaxiləsini "azadlıq əməliyyatı" kimi dəstəklədiklərini bildiriblər. Videoda aksiyanın gedişatı, diaspor nümayəndələrinin Baku.tv-yə verdiyi eksklüziv müsahibələr və Los-Anceles polisinin təhlükəsizlik tədbirləri əks olunub.
#ABŞ teqi istifadə olunub
- ABŞ-Yaponiya əlaqələri Nyu-York şəhərində xüsusi coşqu ilə qeyd edilib
- İran və ABŞ arasında gərginlik yenidən artır? | Regionda münasibətlər kəskinləşir - Baku TV
- Çinlə heç bir problemimiz yoxdur | Donald Tramp - Baku TV
- Rusiya ABŞ-nin İran əleyhinə qətnaməsinə qarşı çıxdı: Hörmüz xətti yenidən alovlanacaq?
- ABŞ İraqın yeni Baş nazirindən nə tələb edir?
