Makron qaçmağın yolunu axtarır | Fransa nəşrindən iddialı yazı

“Fransa Prezidenti Emmanuel Makron Milli Assambleyanı buraxmaqla təhlükəli siyasət yürüdür ki, bu da ölkə daxilində xaosa səbəb ola bilər”.

Bu barədə ölkənin “Le Monde” qəzeti məlumat dərc edib.

Nəşr bunu “dövlət başçısının özünü yandırıb ölkəni özü ilə aşağı çəkə biləcəyi odlu oyun” adlandırıb.

Mətndən belə görünür ki, Milli Mitinqin inamlı qələbəsindən sonra parlamenti buraxmaqla E.Makron diqqəti yayındırmağa və rəhbərlik etdiyi İntibah partiyasının da daxil olduğu koalisiya daxilində “daxili çəkişmələrdən” yayınmağa çalışıb.

“Makron alçaldıcı məğlubiyyət gecəsində qaçmağın yolunu axtarır. O, seçki kampaniyasına tamamilə sadiq olmasına baxmayaraq, əlində olan bütün rıçaqlardan istifadə edərək koalisiyasının siyahısının azalmasının qarşısını ala bilmədi”, – bu barədə nəşrdə qeyd olunub.

Materialın müəlliflərinin fikrincə, E.Makron nəzarətsiz parlament alaraq orta müddətli seçkilərdə növbəti uğursuzluğa düçar olmaq riskini daşıyan “dəlicəsinə təhlükəli əməliyyata” başlayıb. Müəllifin sözlərinə görə, dövlət başçısı odla oynamaqla özünü yandıra bilər və bütün ölkəni alova sürükləyə bilər.

Bundan əlavə məlum olub ki, Fransanın Baş naziri Qabriel Attal Emmanuel Makrondan parlamenti buraxmaq və qanunverici orqana növbədənkənar seçkilər təyin etmək əvəzinə, istefasını qəbul etməyi xahiş edib.