Maliyyə yardımı azalır, xəstəliklər isə... | Hansı ölkə maliyyələşməni azaldır?

Dünya hazırda qlobal səhiyyə maliyyələşməsində tarixdə ən böyük böhranla üz-üzədir.

Bu barədə Ümumdünya Səhiyyə Təşkilatının baş direktoru Tedros Qebreyesus bildirib.

O, vəziyyəti xüsusilə ABŞ tərəfindən göstərilən yardımın azaldılması ilə əlaqələndirib. Onun sözlərinə görə, ÜST uzun müddətdir qlobal səhiyyə maliyyələşməsində dəyişikliklərin zəruriliyini qeyd edir və özünü təminetmə ilə daxili maliyyələşmənin əhəmiyyətini vurğulayır.

Tedros Qebreyesus xüsusilə "unudulmuş tropik xəstəliklər”lə mübarizədə əldə olunmuş nailiyyətlərin təhlükə altına düşə biləcəyini diqqətə çatdırıb. Bu xəstəliklərdən bir milyarddan çox insan əziyyət çəkir və əsasən yoxsul və marginal icmalarda daha ağır təsir göstərir.

Qeyd edək ki, 2025-ci ildə ÜST-nin büdcə kəsiri 600 milyon ABŞ dolları həcmində proqnozlaşdırılır.