Məkkənin gələcək görüntüsü yayılıb

Səudiyyə Ərəbistanı "Kral Salman qapısı" layihəsi çərçivəsində Məkkənin genişmiqyaslı yenidən qurulmasına başladığını elan edib.

Məlumata görə, şəhərin tarixindəki bu ən böyük layihəyə vəliəhd şahzadə Məhəmməd bin Salman təntənəli şəkildə start verib.

Sənəd 12 milyon kvadratmetr ərazini əhatə edəcək və müqəddəs Əl-Haram məscidinin bilavasitə yaxınlığında inşa ediləcək. Proqramda Əl-Haram məscidinin tutumunun həm kompleks daxilində, həm də ətraf ərazilərdə 900 min zəvvara qədər artırılması nəzərdə tutulur.

Bundan əlavə, müasir şəhər klasterinin də yaradılması planlaşdırılır ki, bura yaşayış məntəqələri, mədəniyyət mərkəzləri, qonaqlar və şəhər sakinləri üçün infrastruktur daxil olacaq.

İctimai nəqliyyat sisteminin inkişafına xüsusi diqqət yetirilir ki, bu da rahat və sürətli şəkildə müqəddəs məkana gedişi təmin edəcək.

Layihənin əsas hissəsi 19 000 kvadratmetrlik ərazidə tarixi binaların bərpası vasitəsilə islam irsinin qorunması olacaq.

"Vizyon-2030" milli proqramı çərçivəsində həyata keçirilən təşəbbüs 2036-cı ilə qədər 300 minədək iş yerinin yaradılmasını və Məkkəni ziyarət edən zəvvarların sayının ildə 30 milyona çatdırılmasını nəzərdə tutur.