Meşə yanğınlarının gizli fəsadları üzə çıxdı | Alimlər ilk dəfə bunu etdi

Avropa Aerokosmik Agentliyinin dəstəyi ilə bir qrup alim kütləvi meşə yanğınlarının indiyədək məlum olmayan fəsadlarını üzə çıxarıb.

Tədqiqatçıların qənaətinə görə, massiv meşə yanğınlarının yaratdığı risk hələ də tam dərk edilməyib. Kosmosdan çəkilən fotolar bu təhdidləri başa düşməyə kömək edir.

Alimlərin fikrincə meşə yanğınları meteoroloji vəziyyəti, küləyin tipini dəyişir, atmosferə külli miqdarda hisin daxil olması ilə nəticələnir. İntensiv meşə yanğınları ilə atmosferə çox böyük həcmdə karbon qazı atılır.

2023-cü ildə Kanadada 5 ay davam edən meşə yanğınlarında atmosferə buraxılan karbon qazının həcmi Rusiyada 1 il ərzində yanma məhsullarından əmələ gələn istixana qazlarının həcmindən çoxdur.

Eyni ildə Avstraliyada baş verən yanğınlar ozon təbəqəsindəki dəliyin 10 faiz böyüməsinə səbəb olub. Bu yanğından ayrılan kül və his minlərlə kilometr kənarda aşkar edilib.

Ən əsası isə yanğına yaxın ərazilərdəki tikililərin divarlarında his və kül aylarla qala bilir ki, bu da sağlamlığa zərərdir.