Minlərlə insan dağıntı altındadır | BMT Myanmadakı zəlzələ ilə bağlı hərəkətə keçir

“Myanma tamamilə dağıntılar altındadır. Ölənlərin sayı indi 3 mindir və getdikcə artır. Minlərlə yaralı dağıntılar altında qalıb”.

Bu sözləri BMT-nin baş katibi Antonio Quterreş söyləyib.

“Bu fəlakət insanların ölkədə üzləşdiyi daha dərin çatışmazlıqları ortaya çıxardı. Zəlzələ problemləri artırdı. Musson mövsümü də yaxınlaşır. Bir neçə ərazidə tez bir vaxtda ciddi tədbirlər görülməlidir. Fövqəladə yardım koordinatorumuz Tom Fletçeri Myanmaya göndərirəm. Mən həmçinin yaxın günlərdə xüsusi elçim Culi Bişopu da danışıqlar üçün yola salacağam. Xüsusilə böhranın miqyasını nəzərə alaraq beynəlxalq ictimaiyyətə müraciət edirəm. Tez bir zamanda ehtiyac duyulan maliyyə yardımlarını artırmalıyıq. Hər birimiz səfərbər olub sürətli və davamlı şəkildə humanitar yardımlar göstərməliyik”, ‒ A.Quterreş əlavə edib.