Mirzoyandan özündənrazı açıqlama | Erməni naziri təəccübləndirən sual
“Ermənistanla İran arasındakı mövcud sərhəddə hər zaman sakitlik hökm sürüb. O ərazidə heç vaxt problem yaşamamışıq. Problem yoxdursa, onu necə çözmək olar?”.
Bunu Ermənistanın xarici işlər naziri Ararat Mirzoyan “NEWS.ru”nun sualını cavablandırarkən deyib.
“KTMT mövzusuna gəlincə isə bir daha xatırlatmaq istərdim ki, Rusiya ilə bizim yaxşı əlaqələrimiz, dostluq münasibətimiz və strateji əməkdaşlığımız var. Təşkilat çərçivəsində isə qarşılıqlı öhdəlikləri icra edirik.
Sevindirici haldır ki, indi də İran və Rusiya arasında da əməkdaşlıq əlaqələri inkişaf edir. Əminəm ki, bu əlaqələr hər birimizin ölkəsinə faydalar qazandıracaq.
İran və Ermənistan sərhədi istiqamətində Rusiya hərbçilərinin daha xidmət göstərməməsi mövzusu barədə isə onu deyə bilərəm ki, Ermənistan azadlığını elan edən ilk gündən biz Rusiya Federasiyasına müraciət edərək müvəqqəti sözügedən ərazilərə hərbçilərini yerləşdirməyi xahiş etdik.
Bu isə o deməkdir ki, müəyyən bir vaxta qədər və vaxt bitdi. Biz rusiyalı hərbçilərə təşəkkürümüzü bildirərək onları evlərinə yola saldıq. Sərhədlərimizi özümüz müdafiə edə bilərik. Düşünürəm ki, bundan siyasi ajiotaj yaratmaq lazım deyil”, – deyə A.Mirzoyan bildirib.
#Ermənistan XİN teqi istifadə olunub
- Davamlı sülh üçün növbəti mühüm addım | ABŞ-dəki görüşün detalları
- Ermənistan XİN rəsmisindən sülhlə bağlı açıqlama
- Cənubi Qafqaz üçün kritik görüş | “3+3” formatında görüşə kim ev sahibliyi edəcək?
- Mirzoyan Ermənistan Konstitusiyasının dəyişdirilməsindən danışdı
- "Tramp marşrutu" üçün ABŞ-nin iştirakı ilə şirkət yaradılacaq | Mirzoyanın müavinindən açıqlama
