Mixail Saakaşvili azadlığa buraxılacaq? | Müraciət edildi

Mixeil Saakaşvilinin tərəfdaşları məhkum edilmiş keçmiş dövlət başçısının əfv olunması ilə bağlı Gürcüstan Prezidentinə müraciət ediblər.

Bu barədə Gürcüstan mətbuatı məlumat yayıb.

"Ölkənin üçüncü prezidentinin azad edilməsi tələbini 150 mindən çox Gürcüstan vətəndaşı imzalayıb", – məlumatda deyilir.

Qeyd olunub ki, M.Saakaşvilinin azadlığa buraxılması üçün imzaları Gürcüstan Prezidentinin Administrasiyasına eks-prezidentin rəsmi nümayəndəsi Sofo Caparidze və Milli Hərəkatın liderləri təqdim ediblər.