Moskvadan çıxmaq istəyən ruslar aeroportda qaldı

Moskva aeroportlarında uçuşlar kütləvi şəkildə təxirə salınıb.

Rusiyanın paytaxtında təkcə avqust 21-də təxminən 63 reys təxirə salınıb.

Rusiya mətbuatı bu barədə Moskvanın hava limanlarının onlayn tablosunun məlumatına istinadən xəbər yayıb.

Təkcə Şeremetyevo Hava Limanında 45 reys, Domodedovo və Şeremetyevo aeroportlarının hər birində isə 7 reys təxirə salınıb. Jukovskidə isə üç reys gecikib, biri ləğv edilib.

Xatırladaq ki, Moskva aeroportlarında uçuşların təxirə salınmasının səbəbi Rusiya paytaxtına təşkil olunan dron hücumlarıdır.