Müasir müharibə | Yeni hərbi gəmilərin hansı özəllikləri olacaq?

Böyük Britaniya müasir müharibənin tələblərinə uyğun olaraq öz donanmasını yenidən formalaşdırır. Londonun təqdim etdiyi yeni gəmi konseptləri uzaqmənzilli raketlər və PUA təhlükələrinə qarşı effektiv mübarizəni hədəfləyir. Londonda keçirilən sərgidə "BAE Systems" tərəfindən təqdim edilən model, hərbi gəmilərin daha az maliyyə ilə və daha qısa müddətdə inşasını nəzərdə tutur. Xüsusilə, 128 atış məntəqəsi ilə təchiz edilmiş 160 metrlik hava hücumundan müdafiə gəmisi və cəmi 12 nəfərlik ekipajla idarə olunan "Sensor Effector Platform" zərbə gəmisi diqqət çəkir. Personal sayının yarıbayarı azaldılması və avtomatlaşdırılmış sistemlərin tətbiqi dəniz döyüşlərində yeni dövrün başlanğıcı hesab olunur. Müasir hərbi gəmilərin texniki özəllikləri və Britaniyanın dəniz strategiyası barədə ətraflı məlumat Baku TV-nin "Dünya" rubrikasında.