Müharibə ölkələrin gəlirlərinə necə təsir etdi? | Dünya Bankından məlumat

02 iyul 2024 440 baxış

Dünya Bankı Rusiyanı yüksək gəlirli ölkə kimi yenidən təsnif edib.

Bu barədə Dünya Bankının dərc etdiyi hesabatda bildirilib.

Bu kateqoriyaya adambaşına düşən ümumi milli gəliri ildə 14 005 dollardan yuxarı olan ölkələr daxildir.

“Rusiyadakı iqtisadi fəallığa 2023-cü ildə hərbi sənaye ilə bağlı aktivliyin əhəmiyyətli dərəcədə artması səbəb olub və artıma həm də ticarətin (+6,8%), maliyyə sektorunun (+8,7%) və tikintinin (+6,6%) bərpası səbəb olub. Bu amillər həm real (3,6%), həm də nominal (10,9%) ÜDM-in artmasına səbəb olub. Rusiyanın adambaşına düşən ümumi milli gəliri isə 11,2% artıb”, – hesabatda qeyd olunur.

Bolqarıstan və Polşa da yüksək gəlir kateqoriyasına keçib. Əlcəzair, İran, Monqolustan və Ukrayna aşağı-orta gəlirli ölkələrdən yuxarı-orta gəlirli ölkələrə keçib. İordan çayının qərb sahili və Qəzza zolağı Yaxın Şərqdəki münaqişənin təsiri ilə aşağı-orta gəlir kateqoriyasına (əvvəllər yuxarı orta gəlir) keçib.

#Dünya Bankı