Müharibə qızışdıran plana Rusiyadan cavab | PUA-lar işə salındı

Rusiya hava hücumundan müdafiə sistemləri bir gecədə Krım yarımadası və Kuban da daxil olmaqla Ukraynaya məxsus azı 102 PUA-nı zərərsizləşdirib, bəzilərini isə ələ keçirib. Bu barədə Rusiya Müdafiə Nazirliyi məlumat yayıb.

Bildirilib ki, mayın 16-dan 17-nə keçən gecə Ukrayna Hərbi Dəniz Qüvvələrinin aviasiya tipli pilotsuz uçuş aparatları və pilotsuz katerlərinin Rusiya ərazisində bir sıra terror aktları törətmək cəhdlərinin qarşısı alınıb.

Krım üzərində 51, Krasnodar üzərində 44, Belqorod üzərində 6, Kursk üzərində isə 1 PUA məhv edilib. Belqorod vilayətində aviazərbələr nəticəsində iki nəfər ölüb. Hədəf alınan obyektlər siyahısında Rusiyanın neft emalı zavodları və limanları da olub.

PUA hücumlarından sonra Sevostopolda şəhərin yarısına elektrik enerjisinin verilməsi dayandırılıb. Əraziyə yaxın məktəblərdə yaxın 3 gün ərzində dərslərin keçirilməyəcəyi bildirilib.