Müsəlmanlar Moskvada polislərin məscidə girməsinə etiraz etdi

Rusiyanın paytaxtı Moskvada müsəlmanlar etiraz aksiyası keçiriblər.

Etiraza səbəb son günlər Rusiyada hüquq-mühafizə orqanlarının məscidlərdə heç bir xəbərdarlıq və izahat vermədən yoxlanışlar aparmasıdır. Buna etiraz olaraq cümə namazından sonra dindarlar Moskva metrosunun “Tretyakovskaya” stansiyasının ətrafında toplaşaraq “Allah böyükdür!” şüarlarını səsləndiriblər.

Bildirilir ki, aksiya Moskva şəhər meriyası ilə razılaşdırılmayıb.

Xatırladaq ki, Moskva vilayətinin Dzerjinsk şəhərində polis əməkdaşları sənədləri yoxlamaq üçün yerli məscidə baş çəkiblər ki, bu da dindarların narazılığına səbəb olub. Belə ki, hüquq-mühafizə orqanlarının əməkdaşları məscidə ayaqqabı ilə daxil olublar. Onlar öz hərəkətləri ilə məsciddə ibadət edən şəxslərə mane olublar. Bu əsnada dindarlarla polis arasında münaqişə yaranıb.