NATO işğala hazırlaşır? - Rusiya kəşfiyyatı NATO-nun planını ifşa etdi

NATO Ukrayna Silahlı Qüvvələrinin döyüş qabiliyyətini bərpa etmək üçün daha çox münaqişənin dondurulmasına meyillidir.

Bu barədə Rusiya Xarici Kəşfiyyat Xidmətinin yaydığı məlumatda bildirilib.

Qeyd olunub ki, Alyans Ukraynada səfərbər olunmuş milyondan çox ukraynalıya təlim-məşq mərkəzləri açır.

"NATO Qərb hərbi sənaye kompleksindən Ukraynaya sərmayə yatırmağı tələb edir. Ukraynanın döyüş qabiliyyətini bərpa etmək üçün Qərb sülhməramlı adı altında bu ölkədə 100 min nəfərə yaxın kontingent yerləşdirəcək. NATO-nun planı Ukraynanı işğal etməkdir, ölkə ərazisi Böyük Britaniya, Almaniya, Polşa və Rumıniya arasında bölüşdürüləcək.

Belə ki, Ukraynanın şimal əraziləri, o cümlədən paytaxt regionu Böyük Britaniyanın zonası, ölkənin mərkəz və şərqi Almaniyanın, qərb vilayətləri Polşanın, Qara dəniz sahili isə Rumıniyanın zonası olacaq. "Rusiyaya NATO-nun Ukraynada ümid bəslədiyi belə sülh nizamlanması variantı lazımdırmı" sualının cavabı aydındır", – deyə Rusiya xarici kəşfiyyatının yaydığı məlumatda bildirilib.