NATO ölkələri hərəkətə keçdi | "Bu, onların xeyrinədir" - Baku TV

ABŞ İranın nüvə materiallarının ölkədən çıxarılması ehtimalını istisna etmir.

Bu barədə Ağ Evin mətbuat katibi Kerolayn Levitt jurnalistlərə açıqlamasında bildirib.

“Bu, nəzərdən keçirilən fəaliyyət variantlarından biridir. Amma mən bu barədə şərh verməyəcəyəm və ya bu fəaliyyət variantını istisna etməyəcəyəm. Gələcək hər hansı fəaliyyət variantları ilə bağlı proqnozlar səsləndirməyəcəm və ya onları istisna etməyəcəyəm”, – deyə Kallas qeyd edib.

Onun sözlərinə görə, Donald Tramp və onun komandası, xüsusən də müharibə və dövlət katibi Hörmüz boğazının təhlükəsizliyinin təmin olunmasında bu ölkəyə kömək etmələri üçün Avropadakı həmkarları, Ərəb və Körfəz bölgəsindəki müttəfiqlərlə əlaqə saxlamaqda davam edir. O deyib ki, bu, ABŞ-nin deyil, daha çox onların xeyrinədir.

“NATO ölkələri Hörmüz boğazının açılması variantlarını müzakirə edirlər”. Bunu isə NATO-nun Baş katibi Mark Rutte bildirib.

“Biz məsləhətləşmələr apardıq. NATO ölkələri Hörmüz boğazını necə açmağı kollektiv şəkildə müzakirə edirlər. Bununla bağlı təfərrüatları açıqlamayacam. Təşkilata üzv ölkələrin münaqişə zonasına gəmilər göndərib-göndərməyəcəyi sualına isə hələ ki cavab vermək istəməzdim”, – deyə Rutte əlavə edib.

Bu arada, Ağ Ev rəhbəri Donald Tramp müttəfiq ölkələri Hörmüz boğazının açılmasına kömək etməyə çağırıb. O bu barədə “Truth Social” hesabında yazıb.

“ABŞ-nin müttəfiqləri hərəkətə keçməli, addım atmalı və Hörmüz boğazının açılmasına kömək etməlidirlər”, – deyə Tramp vurğulayıb.