Neft bazasının ərazisində düşən aparatlar Rusiyaya məxsusdur?

Latviya Hərbi Hava Qüvvələri Rusiya ərazisindən 2 pilotsuz uçuş aparatnın ölkənin hava məkanına daxil olmasını qeydə alıb.

Latviyanın müdafiə naziri Andris Spruds Latviya İctimai Mediasına bildirib ki, dronlar, ehtimal ki, Ukrayna tərəfindən Rusiyadakı hədəflərə qarşı buraxılıb.

“Dronlar Latviya hava məkanına Rusiya ərazisi istiqamətindən daxil olsa da, bu onların Rusiya dronları olması demək deyil”, – deyə müdafiə naziri açıqlamasında qeyd edib.

Keçmişdə analoji hadisəyə Rusiyanın Fin körfəzindəki limanlarına Ukraynanın pilotsuz uçuş aparatlarının hücumu səbəb olmuşdu. PUA-lardan biri Rusiya sərhədi yaxınlığında, 40 km məsafədə yerləşən neft bazasının ərazisinə düşüb, nəticədə dörd boş neft çəni zədələnib.

Mənbənin məlumatına görə, aparatlardan birinin düşdüyü yer artıq müəyyən edilib, ikinci PUA-nın axtarışları davam edir.

Silahlı qüvvələrin müraciəti əsasında ətraf rayonlarda yaşayan sakinlərin mobil telefonuna xəbərdarlıq mesajları göndərilib. Bir neçə saat sonra isə xəbərdarlıqlar ləğv edilib. “Milli Silahlı Qüvvələr məlumat verir ki, Latviya hava məkanı üçün mümkün təhlükə başa çatıb”, – deyə səlahiyyətli qurumlar çıxış edib.