Netanyahu həbs edilə bilər? | Polşa Prezidentinin müraciəti ortaya çıxdı

İsrailin Baş naziri Benyamin Netanyahu ABŞ-nin yeni seçilən Prezidenti Donald Trampın yanvarın 20-də keçiriləcək andiçmə mərasimində iştirak etməyəcək.

Bu barədə liderin baş köməkçilərindən biri İsrail mediasına açıqlaması zamanı danışıb.

Bildirilib ki, B.Netanyahunun Vaşinqtona səfəri üzrə aparılan hazırlıqlar dayandırılıb.

Köməkçi həmçinin Prezidentin yanvar ayında Auşvitz həbs düşərgəsindəki anım tədbirinə qoşulmaq üçün Polşaya mümkün ziyarəti barədə də danışıb.

"Əgər dəvət alsaq, iştirakı nəzərdən keçirəcəyik. Hələlik belə bir səfər proqramda yoxdur. Polşa dəvət üçün əvvəla Beynəlxalq Cinayət Məhkəməsinin həbs qərarı ilə əlaqədar məsələni qaydasına salmalıdır", – deyə o vurğulayıb.

Xatırladaq ki, Polşa Prezidenti Andjey Duda ölkənin hökumət başçısı Donald Tuska israilli həmkarının səfəri zamanı maneəsiz hərəkət etməsi ilə bağlı müraciət ünvanlayıb.

"Andjey Duda hökuməti elə bir formul hazırlamağa çağırır ki, həm Benyamin Netanyahu həbs olunmasın, həm də Polşanın beynəlxalq hüquqa hörməti yerinə yetirilsin", – deyə yazıda qeyd olunub.