Netanyahudan paylaşım | İsrailli nazirin oğlu Qəzzada döyüşdə həlak oldu

İsrailin sabiq Baş Qərargah rəisi, hazırda isə hərbi kabinetdə portfelsiz nazir olan Qadi Ayzenkotun oğlu Qəzza zolağında gedən döyüşlərdə həlak olub. Bu barədə İsrail Müdafiə Qüvvələri məlumat yayıb.

“Ehtiyatda olan çavuş, 25 yaşlı Qal Meir Ayzenkot Qəzzanın şimalında gedən döyüşlərdə həlak olub”, – deyə açıqlamada bildirilib.

Ölkənin Baş naziri Benyamin Netanyahu nazirə və onun ailəsinə başsağlığı verib, həlak olan hərbçinin cəsur döyüşçü və əsl qəhrəman adlandırıb.