Ondan iyrənirəm! - Trampın Ukrayna ilə bağlı açıqlaması Şappsı özündən çıxardı

“ABŞ Prezidenti Donald Trampın Ukraynaya kütləvi hava zərbələrinə görə birbaşa rusiyalı həmkarı Vladimir Putini günahlandırmaqdan imtina etməsi demokratik ölkələri ruhdan salır”.

Bunu Böyük Britaniyanın keçmiş müdafiə naziri Qrant Şapps Rusiyanın Sumı vilayətinə 30-dan çox dinc sakinin ölümü ilə nəticələnən raket zərbələrinə ABŞ Prezidentinin birmənalı qarşılanmayan reaksiyasını şərh edərkən deyib.

“İyrənirəm. Azad dünyanın liderinin öz rəqiblərini həbs edib öldürən, günahsız demokratik ölkələrə təcavüz edən diktatorla işğal olunan ölkəni ayırd edə bilməməsinə görə”, – sabiq nazir bildirib.

Şapps qeyd edib ki, belə bir aydınlaşdırmanın olmaması demokratik dünyanın qalan hissəsini tamamilə ruhdan salır.

Keçmiş müdafiə naziri həmçinin Trampın müharibəni dayandıracağına dair vədinin Putini sakitləşdirmək cəhdi olduğunu söyləyərək, onu Çinin Tayvanı işğal etməsi ehtimalını artırmaqda ittiham edib.