Pakistan Hindistanla bağlı hərəkətə keçdi | 65 illik müqavilə dayandırıldı

Pakistan Hindistanın aviaşirkətləri üçün öz hava məkanını bağlayıb.

Xarici medianın məlumatına görə, bu addım Kəşmirdə baş tutan terror hücumu ilə əlaqəlidir.

Hindistan polisi hücuma görə Pakistan tərəfini günahlandırıb. Lakin məsələ ilə bağlı detallar açıqlanmayıb.

Bununla yanaşı, Hindistan rəhbərliyi Pakistan vətəndaşlarına viza verilməsinin dərhal dayandırılmasına və aprelin 27-dən başlayaraq daha əvvəl verilən vizaları ləğv etməyə qərar verib.

Bütün bunlar iki ölkə arasında əlaqələrin daha da pisləşməsinə səbəb olub. Pakistan isə Hindistanla imzalanan bütün ikitərəfli müqavilələri ləğv edib.

Bundan başqa, Pakistan ölkənin təhlükəsizliyi məqsədilə tədbir görməyə daim hazır olduğunu açıqlayıb. Bildirilib ki, dövlətə məxsus suyun dayandırılması müharibə aktı hesab olunacaq.