Paris məhkəməsinin “Telegram”ın qurucusunu nələrdə ittiham etdiyi məlum oldu

Paris məhkəməsi “Telegram”ın qurucusu Pavel Durovu əvvəllər ona qarşı irəli sürülən 12 cinayətdən 6-da ittiham edib.

Bu barədə Paris Prokurorluğu məlumat yayıb.

Söhbət xüsusən də hakimiyyət orqanları ilə əməkdaşlıqdan imtina, uşaq pornoqrafiyasının yayılmasında şəriklik, narkotik alveri, həmçinin mütəşəkkil dəstənin tərkibində dələduzluqdan gedir.

Onu da bildirək ki, Pavel Durov 5 milyon avro məbləğində girov müqabilində məhkəmə nəzarəti altında sərbəst buraxılıb. Ona Fransa ərazisini tərk etmək qadağan edilib.