Pavel Durov Fransada saxlanıldı | O nədə ittiham olunur?

"Telegram"ın qurucusu Pavel Durov Fransanın "Le Burje" hava limanında saxlanılıb.

Bu barədə Fransa mediası məlumat yayıb.

39 yaşlı sahibkarı mühafizəçisi və bir qadın müşayiət edib.

O, bir sıra cinayətlərdə, həmçinin terrorizm, narkotik qaçaqmalçılığı, fırıldaqçılıq, çirkli pulların yuyulması, oğurlanmış malların idarə edilməsində ittiham oluna bilər. Onu 20 ilə qədər həbs gözləyir.

Xatırladaq ki, 2021-ci ilin fevralında P.Durov Birləşmiş Ərəb Əmirlikləri vətəndaşlığını, avqustda isə Fransa vətəndaşlığını alıb.