Polis məmurundan qandonduran əməl | Kəpəzdəki dəhşətli hadisənin detalları

Türkiyənin Antalya vilayətində qandonduran hadisə baş verib.

Belə ki, polis məmuru odlu silahdan atəş açaraq öz ailə üzvlərini öldürüb. Qətl vilayətin Kəpəz rayonunda qeydə alınıb.

Yerli medianın verdiyi məlumata görə, polis məmuru həyat yoldaşını və iki uşağını evlərində güllələyib. Yaralılar aldıqları xəsarətdən hadisə yerində həyatlarını itiriblər.

Silah səslərini eşidən qonşuların yerli polisə verdiyi məlumat üzrə hüquq-mühafizə orqanlarının əməkdaşları hadisə yerinə cəlb ediliblər.

Araşdırma zamanı rayonunun Varsak Demirel məhəlləsində yerləşən ikimərtəbəli fərdi yaşayış evində şübhəlinin həyat yoldaşı 31 yaşlı Fatma Gıyar, qızları – 10 yaşlı Meral Ebrar Gıyar və 4 yaşlı Merve Gıyarın meyitləri aşkar edilib.

Polisin keçirdiyi əməliyyat nəticəsində cinayət əməlini törətməkdə şübhəli bilinən şəxs saxlanılıb. O, Antalya Polis İdarəsinin Varsak Polis Bölməsində növbətçi polis məmuru kimi xidmət edirmiş.

Qətllə bağlı cinayət işi başlanılıb, istintaq əməliyytaları davam etdirilir.