Putin ABŞ nümayəndələri ilə görüşdə mürəkkəb vəziyyəti gündəmə gətirib - Baku TV

Amerika Birləşmiş Ştatları Prezidentinin xüsusi elçisi Stiv Uitkoff və ABŞ liderinin kürəkəni Cared Kuşner Moskvaya səfər ediblər.

ABŞ Prezidentinin xüsusi elçiləri, həmçinin onları müşayiət edən Rusiya Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi, Rusiya Birbaşa İnvestisiya Fondunun rəhbəri Kirill Dmitriyevin olduğu kortej Kremlə gəlib.

Daha sonra isə Moskvada Rusiya Prezidenti Vladimir Putinin ABŞ Prezidentinin xüsusi nümayəndəsi Stiv Uitkoff və Cared Kuşnerlə görüşü olub. Görüş Kremldə baş tutub.

Görüşdə Rusiya tərəfdən Prezidentin beynəlxalq məsələlər üzrə köməkçisi Yuri Uşakov və xüsusi nümayəndə Kirill Dmitriyev iştirak edib.

Putin amerikalı danışıqçılarla görüşdə müzakirə edəcəyi vəziyyəti mürəkkəb adlandırıb.

Qeyd edək ki, Putin Uitkoffla artıq səkkizinci dəfə üzbəüz görüşür. Kuşner isə Ukrayna məsələsinin nizamlanması ilə bağlı müzakirələrdə üçüncü dəfə iştirak edir.